SIRO NZITO:JINSI FAMILIA YA GLAZER ILIVYOICHUKUA MANCHESTER UNITED KIMAFIA NA KUIINGIZA KWENYE MADENI MAKUBWA!

Swahili Prime Ent

Leo tunaitazama historia ya kushtua ya jinsi bilionea Malcolm Glazer alivyofanikisha ununuzi wa Manchester United kati ya mwaka 2003 na 2005. Huu ulikuwa ununuzi uliogubikwa na malalamiko mengi ambayo hadi leo yamesababisha vuguvugu la Glazers Out.

Hatua kwa Hatua ya Ununuzi:

1. Mwanzo Mdogo (Machi 2003): Malcolm Glazer alianza kwa kununua hisa ndogo tu ya 2.9% kwa takriban pauni milioni 9 (£9M). Wakati huo, United ilikuwa kampuni iliyoorodheshwa kwenye soko la hisa.

2. Ujanja wa Soko la Hisa:Kwa kipindi cha miaka miwili, Glazer aliendelea kununua hisa kidogo kidogo sokoni hadi akafikia kiwango cha kuanza kuidhibiti klabu.

3. Mapinduzi ya Mwaka 2005: Mwezi Mei 2005, familia ya Glazer ilikamilisha ununuzi wa karibu 98% ya klabu kwa thamani ya pauni milioni 790 (£790M).


Kwanini Mashabiki Walikasirika? (Leveraged Buyout):

Hapa ndipo penye siri ya madeni ya United. Glazer hakutumia pesa yake yote mfukoni. Badala yake:

Alikopa kiasi kikubwa cha fedha (takriban pauni milioni 270) ili kununua klabu.

Ajabu ya Mwaka: Deni hilo alilolitumia kununua klabu, alilihamishia kwa klabu yenyewe! Manchester United, ambayo hapo awali haikuwa na deni hata shilingi moja, ghafla ikawa inadaiwa mamia ya mamilioni.

Hii ilisababisha klabu kuanza kulipa riba ya zaidi ya pauni milioni 60 kila mwaka, pesa ambayo ingeweza kutumika kununua wachezaji au kuboresha uwanja.


Mfumo huu wa Leveraged Buyout ndio unawafanya mashabiki wahisi klabu inatumiwa kama shamba la bibi na wamiliki hao huku ikizidiwa na madeni.

VITA YA MADARAKA: Sir Jim Ratcliffe vs Familia ya Glazer – Nani Haswa Ndiye Bosi wa Manchester United Kwa Sasa? 

Baada ya kuelewa jinsi Glazers walivyoingia kimafia mwaka 2005, swali kubwa ambalo kila shabiki wa United anajiuliza ni: Je, Sir Jim Ratcliffe amekuja kuiokoa Man utd au ni mshirika wa Glazers?


Huu hapa ni mchanganuo wa nani anashikilia mpini na nani anashikilia makali kwa sasa:


1. Nguvu ya Sir Jim Ratcliffe (Mwenye Maamuzi ya Soka):

Ingawa SJR anamiliki takriban 27.7% tu ya hisa za klabu, mkataba wake na Glazers unampa mamlaka kamili juu ya Shughuli zote za Soka (Football Operations). 

* Hii ina maana yeye ndiye anayeamua nani asajiliwe, nani awe kocha, na jinsi ya kuboresha uwanja wa Old Trafford.

* Glazers kwa sasa wamekaa pembeni kwenye masuala ya uwanjani.


2. Nguvu ya Familia ya Glazer (Wamiliki wa Hisa na Faida):

Glazers bado wanamiliki hisa nyingi zaidi (zaidi ya 60%). Hii inamaanisha:

* Bado wanapata sehemu ya faida (dividends) klabu ikitengeneza pesa.

* Wana nguvu kwenye masuala ya kibiashara na udhamini (Commercial & Sponsorships).

* Kisheria, bado wao ndio Wamiliki Wakuu, lakini wamekubali kutoingilia maamuzi ya soka ili kupunguza hasira za mashabiki.


3. Je, Deni la Glazer Limeisha?

Hapa ndipo penye changamoto. Sir Jim ameweka takriban $300 million kwa ajili ya ukarabati, lakini yale madeni ya zamani ya Glazer bado yapo kwenye vitabu vya klabu. SJR anajaribu kusafisha uongozi (kwa kuleta watu kama Omar Berrada na Jason Wilcox) ili klabu ijiendeshe kitalamu zaidi na kuanza kulipa madeni hayo kwa kasi.


Kwa sasa, Manchester United ina marais wawili: Mmoja wa Pesa (Glazer) na Mmoja wa Soka (Ratcliffe). Mashabiki wana matumaini kuwa Ratcliffe atafanikiwa kuiondoa klabu mikononi mwa Glazers jumla hapo mbeleni.

Comments

Post a Comment

Popular posts from this blog

Mwaka 1989 Kundi Hatari la Kihalifu la Medellin Cartel la Colombia Linalomilikiwa na Pablo Escobar Lililipua Ndege na Kuuwa Abiria Wote 107, Lengo Lao Lilikuwa ni Kumuua Mgombeaji Urais wa Nchi Hiyo Álvaro Gómez

 Mei 27, 1990 ulifanyika uchaguzi mkuu nchini Colombia huku wagombea urais wakiwa ni César Gaviria wa chama cha Liberal na mpinzani wake Álvaro Gómez Hurtado wa chama cha MSN, Cesar alipita kwa asilimia 48% za kura na kuwa rais wa 28 wa Colombia. Katika kampeni zilizoanza tangu mwaka 1989, mgombea Alvaro alikuwa akitumia sera ya kutokomeza biashara ya dawa za kulevya nchini humo akidai kuwa serikali ya awamu iliyopita imekuwa ikishirikiana na makundi makubwa ya dawa za kulevya hivyo yeye akichaguliwa kuwa rais atakomesha biashara hiyo haramu. Moja ya makundi hatari ya biashara hio nchini humo ni Medellin Cartel linalomilikiwa na mtu m'bad Pablo Escobar, walivyosikia ngebe hizo mipango ya kutoa uhai wa mgombea huyo ikaanza. Taarifa zilizowafikia wauza unga hao ni kwamba Alvaro alitarajia kusafiri siku ya November 27, 1989 kutoka Bogotá kwenda Soacha kwa usafiri wa ndege ya shirika la ndege la Boeing 727, Avianca Flight 203, ndipo walipanga kuilipua ndege hiyo ili kumteketeza mgombea...
Read more

ALIKATWA MKONO, LAKINI HAIKUMZUIA KUCHEZA MPIRA KWA MAFANIKIO MAKUBWA!

 Swahili Prime Ent: Mwaka 1948 Mchezaji wa Timu ya Taifa ya Germany Robert Schlienz Alipata Ajali ya Gari na Kukatwa Mkono. Licha ya Ajali Hiyo Mbaya Lakini Miezi Mnne tuu Baadaye Aliendelea Kusakata Kabumbu. Alicheza Soka kwa Miaka 12 Akiwa Mlemavu. Kabla ya Hapo Alikuwa Amepigwa Risasi ya Taya Vitani na Kupona. Ilikuwa ni Augost 14, 1948 ambapo Schlienz nyota wa mpira wa miguu wa Ujerumani na nahodha wa timu ya Ujerumani ya VfB Stuttgart alikuwa akiendesha gari lake kwa kasi kwa sababu alichelewa kwenye mazoezi ya timu yake, alikuwa anaensesha huku mkono wake wa kushoto akiwa ameitoa nje ya dirisha. Wakati gari likienda kwa kasi alikutana na shimo barabarani, gari lake likapinduka na mkono wake ukasagika kabisa. Madaktari waliamua kumponya mara moja kwa kuukata mkono huo kitendo kilichomkatiaha tamaa na kuona carrier yake katika soka ilikuwa hatarini kufika mwisho. Lakini miezi minne tuu baadaye mwamba alirejea tena katika soka baada ya kupewa moyo na kocha wake Georg Wurzer huku...
Read more

Anaitwa Chris McCandless Raia wa California US. Mwaka 1992 Akiwa na Miaka 24 Aliamua Kuingia Porini, Mbali ili Akaishi Maisha ya Asili, Maisha Kama ya Wanyama kwa Miezi 3 Kisha Arudi Nyumbani. Miezi Mitatu Baadaye Mwili Wake Ulipatikana Umeoza Porini. Inaelezwa Alikufa kwa Njaa.

Majina yake halisi anaitwa Christopher Johnson McCandless mzaliwa wa California US. Kwa hiyari yake mwenyewe katikati ya mwaka 1992 akiwa na miaka 24 aliamua kutoka nyumbani kwake na kuingia porini mbali huko Alaska ili kujipatia uzoefu wa maisha mapya ya asili yasiyowategemea binadamu wengine. Chriss Aliingia porini kupata uzoefu wa kuishi maisha kama mnyama wa porini, alipanga kuishi huko kwa miezi mitatu na kurejea nyumbani huku akibeba notebook ya kuandika vidokezo pamoja na camera ndogo. Taarifa zinasema kuwa Chris alikufa miezi mitatu baadae Agosti 18, 1992, ikiwa ni siku ya 112 baada ya kutembea porini. Mwili wake ulipatikana siku 19 baadaye pamoja na notebook yake na camera. Kuna uwezekano mkubwa kwamba Chriss alikufa kutokana na njaa na utapiamlo. Chris alitaka kuishi kiasili akiwa porini kwa miezi michache. Kweli baada ya miezi mitatu huko porini alianza safari ya kurudi nyumbani lakini alipofika mto Teklanika alikuta mto umejaa maji mengi kiasi cha kushindwa kuvuka. Kati...
Read more